Saltar ao contido principal

PACHI REIGOSA




Manuel Reigosa Roger é profesor da Universidade de Vigo desde a súa creación en 1990. É licenciado en Bioloxía e en Filosofía pola Universidade de Santiago de Compostela, onde obtivo tamén o título de doutor en Bioloxía. Participou con asiduidade en órganos de goberno, destacando o traballo nas tres comisións de Estatutos, incluíndo a constituínte. Como responsabilidades de goberno, foi secretario do Colexio Universitario de Vigo, director da Oficina de I+D, adxunto ó vicerreitor de Investigación, elixido dúas veces como decano da Facultade de Ciencias de Vigo (hoxe escindida en tres Facultades), director do Departamento de Bioloxía Vexetal e Ciencia do Solo e vicerreitor de Investigación. Tamén coordinou un máster (Ecosistemas Terrestres) e na actualidade é presidente da Comisión Académica dun programa de doutoramento, que no seu día acadou a mención cara á excelencia. É autor de máis de 100 artigos de investigación e editor de cinco libros para editoriais como Kluwer ou Springer entre outras. Con cinco sexenios investigadores e seis quinquenios docentes recoñecidos, na actualidade está volcado no traballo editorial, incluíndo o traballo como editor xefe de dúas revistas JCR (Thalassas e Allelopathy Journal) e a participación como editor asociado en noutras tres (PLOS ONE, Acta Physiologia Plantarum e Weed Biology and Management). Nestes anos participou desde unha posición crítica no Claustro e no Consello de Goberno.