José María Martín Moreno
A súa carreira profesional estivo centrada no sector público e privado, con institucións relacionadas con realidades e actividades do mundo económico-empresarial. Tanto no sector público como privado realizou actividades de Control e Xestión de proxectos, Relacións Institucionais e Liderado de equipos. Ten ampla experiencia en xestión ocupando postos de gran responsabilidade e traballando baixo presión.
É membro de Rede, un grupo de investigación consolidado que analiza aspectos relacionados coa innovación, enerxía, economía e medio ambiente, de ECOBAS- Economics and Business Administration for Society- así como tamén é membro da Rede Alumni Microeconomics of Competitiveness da Universidade de Harvard.
O seu traballo foi publicado en revistas indexadas tanto nacionais como internacionais de recoñecido prestixio e regularmente participa en conferencias, seminarios e workshops.
Tamén participou e foi director de proxectos de investigación e consultoria no sector público e privado e realizou estancias en Organismos e Universidades Nacionais e Internacionais (KAPSARC, Minessota, Urbino, Florencia, Complutense e ICAE).
Foi profesor e o responsable de Relacións Institucionais do Master en Economía, Mercados Financeiros e Empresa (MEFE). Tamén profesor no Master en Economía e no de Economía para non Economistas
Foi Director Xeneral da Fundación Galega para a Sociedade do Coñecemento.
Director do Sistema de Vixilancia Competitiva do Cluster do Granito de Galicia, asesor do Centro Tecnolóxico do Granito, Colaborador-Asistente de Investigación do IGAPE, da Secretaria Xeral de Análise e Previsión da Xunta de Galicia e de SACE consultores.
É profesor de Macroeconomía no Dpto. de Fundamentos da Análise Económica, así como tamén é profesor homologado na Escola de Organización Industrial de Madrid (EOI) participando como Director de Coñecemento en servizos de Consultoria do programa de Consolidación de PEMES do Fondo Social Europeo.
