Jesús Simal Gándara
Jesús Simal Gándara é catedrático
da Área de Nutrición e Bromatoloxía na Facultade de Ciencias del Campus de
Ourense da Universidade de Vigo.
Foi Primeiro Premio
Nacional de Terminación de Estudos de Farmacia e Premio Extraordinario de
Doutoramento da Facultade de Farmacia da Universidade de Santiago de
Compostela. Foi Profesor Titular en 1991 na Universidade de Vigo, onde é Catedrático
de Universidade desde 1999. Lidera un grupo de investigación de referencia
competitiva da Xunta de Galicia, ademáis do CIA3 (Centro de
Investigacións Agro-Ambientáis e Alimentarias), formado por 10 grupos de
investigación de diferentes áreas (botánica, fisioloxía vexetal, edafoloxía e
química agrícola, bioquímica e bioloxía molecular, nutrición e bromatoloxía,
biotecnoloxía, tecnoloxía de alimentos, reoloxía alimentaria, enxeñaría química,
e química coloidal), e do Departamento de Química Analítica e Alimentaria na
Universidade de Vigo.
Realizou estancias de
investigación na Université de Paris-Sud (París, Francia), Universidade de
Delaware (Newark, Estados Unidos), Fraunhofer-Institut für
Lebensmitteltechnologie und Verpackung (Múnich, Alemaña), Central Science
Laboratory (Norwich e York, Reino Unido), TNO-Voeding (Zeist, Holanda), PIRA - Packaging
Industries Research Association (Leatherhead, Reino Unido) e no SIK - Institutet
För Livsmedel och Bioteknik (Gotemburgo, Suecia). É editor de 6 libros
nacionais. Publicou capítulos de libros en 10 nacionais e 15 libros
internacionais. Dirixiu 15 teses de doutoramento e participou nunha grande
cantidade de proxectos de investigación competitivos, sendo o investigador
principal en 37. Ten numerosas publicacións en revistas científicas de
prestixio internacional como se pode ver en:
O grupo de
investigación que dirixe está especializado en separacións cromatográficas
(GC-MS e LC-MS), técnicas de bioloxía molecular, e proteómica; e investiga a
distribución de contaminantes químicos orgánicos agrícolas e ambientáis na
cadea de produción de alimentos, e na mellora da calidade sensorial e funcional
de alimentos, con a mirada posta na cadea alimentaria cunha perspectiva global,
integrando os aspectos ambientáis, agrarios e alimentarios cos de nutrición e
saúde pública. O seu foco hoxe é no estudo de contaminantes orgánicos
persistentes (POPs) desde o punto de vista da saúde pública (epidemioloxía,
toxicidade de mesturas, metabolitos...), e no dos metabolitos secundarios en
alimentos vexetais, explorando os mecanismos moleculares que xustifican a súa
actividade.
