OBXECTIVO 1.
ELABORACION E POSTA EN
MARCHA DUN "PLAN CONCILIA" PARA PDI, PAS e ALUMNADO.
Compromisos:
·
Impulsar un PLAN CONCILIA integral
para toda a comunidade universitaria e que sirva de reflexo para a sociedade.
· Impulsar un regulamento para
compatibilizar o coidado coa produción científica, os estudos e as tarefas
administrativas e dos servizos.
· Estudar a viabilidade da posta en
marcha dun programa voluntario que contemplaría unha redución da carga docente tras
a incorporación ao traballo despois do nacemento da filla ou fillo.
· Impulsar programas de conciliación
centrados na atención á infancia e adolescencia e programas de atención á
dependencia. Ampliar o Campus Camp a maiores de 13 anos e estudar a viabilidade
de programas de atención á dependencia (programas de respiro familiar).
· Incorporar en todas as
convocatorias da universidade unha compensación temporal nos méritos curriculares,
equivalente, ou maior, á baixa por maternidade/paternidade, do mesmo xeito que
se inclúe nos complementos de excelencia da Xunta ou nalgunhas convocatorias do
Ministerio de Educación.
· Implementar de maneira efectiva os
Plans de Igualdade da Universidade nos POD: elección de horarios docentes para
facilitar conciliación, redución de horas lectivas a persoas con dependentes ao
seu cargo...
· Pór en marcha medidas de
conciliación da vida e o traballo contidas na negociación colectiva, e promover
tamén a corresponsabilidade entre mulleres e homes nos coidados.
· Implementar medidas para lograr
cotas paritarias nos cargos de xestión, así como nos demais aspectos académicos,
para mellorar e incentivar a participación das mulleres
nos órganos de representación da universidade.
OBXECTIVO 2.
REFORZAMENTO DA UNIDADE DE IGUALDADE.
Compromisos:
·
Crear comisións de Igualdade por Campus,
nas que estarían representados todos os colectivos (PDI, PAS, alumnado), con recoñecemento
do labor realizado.
·
Organizar unidades de igualdade
por vicerreitoría e centro.
·
Dotar unha nova liña de
financiamento para a elaboración de informes á que poderán postularse os
equipos de investigación da universidade en estudos de Igualdade e inclusión de
forma individual ou de forma coordinada e interdisciplinaria, e que permitan
acadar un coñecemento máis axeitado da realidade para que o Goberno da universidade
tome as decisións máis axeitadas neste ámbito.
·
No ámbito da atención á
diversidade, ademais da eliminación das barreiras arquitectónicas, abordará a
eliminación das barreiras didácticas e de comunicación que poidan supoñer un
atranco para os membros da comunidade con necesidades especiais.
·
Potenciar as unidades e servizos
de atención á diversidade e a conexión cos axentes sociais que participen nesta
tarefa de integración.
OBXECTIVO 3.
IGUALDADE DE
OPORTUNIDADES PARA A COMUNIDADE UNIVERSITARIA.
Compromisos:
·
Impulsar medidas dentro da Unidade
de Igualdade que axuden aos estudantes e persoal cando concorran circunstancias
especiais no ámbito social, familiar e persoal.
·
Aplicación efectiva dos
procedementos de investigación e sanción dos protocolos contra todo tipo de
violencias e a asignación dun maior volume de recursos a actividades de
sensibilización e prevención das violencias.
·
Organización de formación
presencial online obrigatoria para todo o persoal de novo ingreso sobre
igualdade e inclusión, así como unhas xornadas de acollida a estudantes de
primeiro curso de grao, mestrado e doutoramento.
OBXECTIVO 4.
RECUPERACIÓN DA "CÁTEDRA DE ESTUDOS FEMINISTAS".
Compromisos:
·
Levar a cabo todas as xestións
necesarias para recuperar na Universidade de Vigo a Cátedra de Estudos
Feministas.
·
Dotar esta cátedra dun carácter
interdisciplinario e intercentros, orientando a súa actividade a xerar
coñecemento e a impulsar investigacións neste ámbito.
·
Reverter os resultados obtidos na
propia universidade en forma de cursos, seminarios, talleres ou mestrados.
·
Outorgarlle as competencias necesarias
para que funcione como un Observatorio de Xénero con capacidade para denunciar
os nesgos implícitos de xénero que discriminan ás mulleres na percepción de
méritos nos procesos de avaliación, acreditación, selección e promoción, na
revisión e aceptación de artigos, na avaliación de proxectos de investigación e
incluso no volume de citas recibidas por traballos académicos.
·
Estudar a creación dun mestrado
oficial intercentros e interCampus, que permita garantir un espazo de formación
especializado en estudos de xénero e feministas para o alumnado.
x
Comentarios
Publicar un comentario