Obxectivo 1.
Entender a calidade
como un medio para acadar a excelencia académica, non como un fin en sI mesmO,
potenciando as súas fortalezas e minimizando as súas debilidades.
COMPROMISOS:
·
Incluír a área de calidade no
cadro organizativo da Secretaría Xeral da Universidade de Vigo, para integrar o
sistema de garantía de calidade no marco da administración electrónica,
garantindo así a fiabilidade dos datos e análises xeradas.
·
Reestruturar o sistema xeral de
procedementos de calidade, simplificándoo, aclarándoo e mellorando a súa
utilidade.
·
Promover a creación dunha comisión
interuniversitaria de calidade coa participación das universidades do SUG e os
representantes da ACSUG, para facilitar a negociación nas decisións que afectan
á xestión da calidade.
·
Articular formas de establecer
sinerxías positivas entre a calidade docente e a calidade da investigación,
para alcanzar o obxectivo da excelencia académica do PDI.
·
Acadar unha xestión adecuada das
diversas enquisas dirixidas aos usuarios de servizos, o que redundará na
sinxeleza do tratamento dos datos obtidos e na súa fiabilidade.
·
Establecer unha conexión directa
entre a área de calidade e a xestión do portal de transparencia, a fin de
garantir o tratamento e a supervisión adecuada dos datos.
Obxectivo 2.
Prestar un apoio firme
e decidido ás persoas implicadas nas obrigas que xera a xestión da garantía da
calidade.
COMPROMISOS:
·
Proporcionar ferramentas informáticas
simples e de uso intuitivo para levar a cabo de forma máis sinxela os
procedementos de calidade que o requiran, en particular nos casos que requiren
recollida e almacenamento de probas.
·
Resolver os problemas específicos
que supón a xestión da calidade en titulacións compartidas entre centros e
dobres titulacións na Universidade de Vigo, en particular nos procedementos de
seguimento e renovación da acreditación destas titulacións.
·
Atribuír competencias aos
Vicerreitores de Campus para resolver problemas e colaborar nos procedementos
de calidade máis complexos que poidan afectar os Centros que lles correspondan.
·
Simplificar o procedemento de
avaliación da docencia ‑DOCENTIA‑ tanto no seu formato anual como quinquenal.
·
Asignar competencias en materia de
calidade a postos específicos e individualizados no marco dunha relectura da
RPT do PAS da Universidade de Vigo.
·
Establecer unha relación directa
entre o persoal da área de calidade e o PAS con competencias na materia,
facilitando así o traballo dos coordinadores e das comisións de calidade dos
centros.
·
Aumentar os descontos docentes das
persoas que realizan tarefas de calidade particularmente complexas ou
facilitando a subcontratación da execución de determinadas actividades
relacionadas coa calidade.
·
Realizar cursos intensivos
específicos especialmente deseñados para o PAS con atribucións na materia,
dirixidos polo persoal da área de calidade.
Obxectivo 3.
IMPULSAR e promover
unha cultura da calidade dun xeito efectivo entre os membros da comunidade universitaria,
especialmente entre o PDI.
COMPROMISOS:
·
Organizar un foro anual aberto
sobre xestión da garantía da calidade.
·
Incluír o PAS entre os obxectivos
das enquisas de satisfacción destinadas ás persoas usuarias do servizo.
·
Premiar con estímulos positivos os
Centros e as titulacións que culminen exitosamente determinados procesos de
calidade e que cumpran coas obrigas derivadas dos procedementos establecidos.
·
Levar a cabo reunións periódicas
cos coordinadores de calidade e das titulacións dos centros dun mesmo ámbito,
co obxectivo de tratar de forma específica os problemas relativos á xestión da
calidade que lles poidan afectar.
·
Fomentar con estímulos positivos a
participación nas comisións de calidade dos Centros.
Comentarios
Publicar un comentario